ЦIусса шинал байраннал чIумал дувай чIярусса утренникру, бигьалагаврил вечерду. Шадлугъирттал мероприятияртту дуллалисса чIумал цIу лачIавриясса мюхчаншиврул кьяйдардал тIалавшинну дуруччаврийну бюхъантIиссар цIунцIиярттая, мушакъатшивурттая буруччин.
ЦIусса шинал мероприятияртту дувай чIявусса объектирттай–школардай, оьрчIал багъирдаву ва цаймигу чIявусса инсантал бавтIсса кIанттурдай.
ЦIусса шинал мероприятияртту дуллан хьхьичI идаралул каялувчинал аьркинссар ххал дуван идаралул цинярда къатри, халкь буккайсса кIанттурду цIу лачIаврийн къаршисса тIалавшиннардацIун бавкьуну бурив кIул буван. Мукунна каялувчинал ххал дуван аьркинссар цIу лещан дайсса затру дурив ягу дакъарив, гай зий дусса ягу дакъасса. Ялун лирчусса диялдакъашивуртту аьркинссар дукьан дуван мероприятие дайдишиннин.
ЦIусса шинал шадлугъ дуллалийни елка бишин аьркинссар цIакьсса гьанулий (подставкалий), къатлува инсантал буклакийни, гайннахун къабахчинсса куццуй. Елкалул къяртри дикIан аьркинссар чIирттаяту ва магъуяту ца метралул манзилдануяр архну. Елкалий иллюминация дуван аьркинссар даву канилух дурксса электрикнал. Гирляндарттай лампочкартту дикIан аьркинссар 25 Вт-лияр къагужсса.
Елка бишайни къабучIиссар чIюлушиндаран ишла дуван целлюлоидрал ва цаймигу ччяни цIу лачIайсса чIюлушиннарду ва ссихьри, елкалул иллюминациялун ишла буван майлул чирахъру, бенгальный цIурду, фейерверкру ва цаймигу затру, елка бацIан бувсса гьанулучIа цIу лахъайсса затру дишин, елкалий чIюлушиндаран памма ишла буван.
КIулну бикIияра: къадагъа дуссар каних дурсса пиротехника ишла дуван. Пиротехника машан ласайни дахлахиманая тIалав дуван аьркинссар сертификат, оьрус мазрайсса инструкция. КъабучIиссар ишла дуллан зия хьусса пиротехника.
ЦукунчIав къабучIиссар пиротехника ишла дуллан:
— инструкциялущал кIул къавхьуну;
— секундрай 5 метралул манзилданул анаваршиврийсса мурчай;
— пиротехника пIякь учин дуван нигьачIаву дусса кIанттурдай инсантал, хIайвант, цIу лачIайсса материаллу, мурхьру, къатри, токрал ххаллу духьурча.
КъабучIиссар салютру итадакьлан каруннива, ми ишла дуллалийни миннул ялун кьус икIлан, пиротехника ишла дуллан лавкьсса къатлуву, квартирарттаву,офисирттаву.
КъабучIиссар оьрчIахьхьун ихтияр дулун пиротехника ишла дуллан, атил хьусса пиротехника къатта гъили байсса прибордай, батареярттай кьакьан дуллан.
