Март зурул 21-нний Дагъусттаннал БакIчи Сергей Меликов каялувчину хьунни республикалий экономика гьаз дуваврил агьамсса масъалартту ххал бигьлагьисса Оператив штабрал заседание. Меликовлул кIицI лавгунни ца яла къулагъас дуван аьркинмур масъала бушиву багьри гьаз хьун къабитаврил масъала. Ванал маслихIат бунни шагьрурдал ва районнал хъуниминнан предпринимательтуращалсса дахIаву цIакь дуллан.

– Чара бакъа депутатътурал ва кIанттул хъуниминнал ялув бацIаву дикIан аьркинссар, оьвчара, батIаву дурну, предпринимательтурайн, налогирттал органнал ва Роспотребнадзорданул вакилтурайн. Инсантал зун битияра. Чара бакъашиву духьурча, «горячая линия» хIасул дувара, предпринимательтурал цIуххача, цIуххинсса, мяйжан буван ччисса бухьурча. Жува предпринимательтуран къулайсса шартIру дузал дуллалисса миннал бюджетравун арцу дачин дуваншивруллу, – увкунни Меликовлул.
Оператив штабрал заседаниялий республикалул экономикалул тагьардануцIун бавхIусса цаймигу агьамсса масъалартту гьаз бунни.