Ссанни аьркинсса цинк (тутия) ?

Цинкрал уруччайссар инсан цукунсса дунугу инфекциялия, коронавирусрая хъиннува. Цинкрал цIакь дайссар ттаркIру, ххуй дайссар нярал, яруннал тагьар. Язи бугьияра цинкрал пиколинат ягу цитрат. Ва журалул цинк жула организмалул ххуйну лялиян байссар. Лякьлул, ххюттукалул цIуцIаву думиннал личIи бувара цитрат.
Так витаминну (цинк) хIачIан ишла мадувару чяй ягу кофе, вайннувусса таниндалул ва кофеиндалул цинк ххуйну лялиян бан къабитайсса бур. Ссимабизларду – цинкрал луртанну ччяни духлагайссар. Цинк чурххаву цила нирхирай личIаншиврул канакияра дикI, гъаттарал ттиликI, нис, хьхьирил сурсат, ччимур хъува, цитрус, помидорду, тту­ккул нисру (вайннуву чIявуссар цинк).

Хайр хъунмассар накьлил урттуягу

Гьантлун ца дянивсса кацI накьлил урттул (гъарандалул) чара бакъа канакияра.
Ишла дан хьхьичI дяркъу­сса щинаву дишияра 15-30 минутIрайсса. Щинаву нитратру бяххайссар, яла вилаган аьркинссар, тIивтIусса кранрал лув дургьуну.
Паразитологтурал тIимунийн бувну, уртту дишин аьркинссар содалул щинаву (1 литIра щинавун 1 хъун къуса содалул дирчуну дурсса). Укунсса ванналул урттул чIапIавусса щиртрал ккунукру литIун байссар. Ишла бувара урттул так чIапIив ва мюрщисса, жагьилсса кьяртив.

ХIадур бувссар
Т. ХIажиевал