Аьрщарайн инт ликлакисса гьантрай, апрель зурул 1-нний, 1946-кусса шинал Хъусращиял шяраву, лакрал машгьурсса аьлимчунал, шаэрнал къушлий, чIявуссаннансса тирххандаран бувну бур жула щалагу илданун хIакьину ххуйну кIулсса, цIа бусравсса ва бювхъусса душ – Аьрасатнал Федерациялул культуралул лайкь хьусса зузала, «Илчи» кказит цIунил дунияллийн буклай байбивхьусса кьинилия шинмай 25 шинал мутталий мунил хъунмур редакторну бивкIсса инсан, гьунар ххисса публицист, театровед, жяматийсса ишккакку, Абачарал душ Качар ХIусайнаева.
Аьзизсса Качар!
Редакциялул щалагу коллективрал цIаниятугу, цинявппагу «Илчи» буккултрал цIаниятугу, лакрал агьалинал цIаниятугу барча дуллай буру вил оьрмулул юбилей! ЧIа тIий буру вин чIярусса цIуллусса шинну, цIу-цIусса ххаришивуртту ва ххуй-хъиншивуртту.
1991-кусса шинал миллатрал чIаку мурадирал ххуллий тIивтIуну бивкIсса лакку кказит ччаннай бацIан бан, бавцIуну махъгу му жула миллатрал хъусну, Хъун ккурчIану хьун буван ина бивхьусса захIмат, бартдиргьусса давуртту тарихийсса агьамшиву дусса хьуссар. Кьадрулий ва кьиматрай зумух ласлайгу личIантIиссар вил цIа ирсирай.
Виха дуаьлийсса «Илчи»
кказитрал цинявппагу зузалт
