Апрельданул 22-нний ДР-лул бакIчи Сергей Меликовлул хIукму бунни давриву хьхьичIунсса ккаккияртту чIалачIи дурсса дагъусттанлувтуран хIукуматрал наградартту дулунсса.
Наградартту дуллуминнавух ия ЦIуссалакрал райондалул бакIчи ХIамзатов МаматIи Бижал арс. Ванан дуллунни «ДР-лул цIаний хьун дурсса лайкьшивурттахлу» тIисса орден.
ХIурмат бусса МаматIи Бижаевич!
Бусравсса наградалущал барча уллай, чIа тIий буру вин цIуллушиву, дуллалимур уттиния тихуннайгу ххаллилну бартдигьлансса каши ва кьудрат.