Аьбдуллаев Кьурбан-хIажи МахIаммадлул арс увну ур 1930 шинал къалайчинал кулпатраву. Школалий дуклакисса чIумал ва нитти-буттащал лавгун ур Омск шагьрулийн. Микку, буттан кумаг буллай, къалай дуклай ивкIун ур. Дяъви байбишайхту, вайннал кулпат лавгун бур Тамбов шагьрулийн. Миккугу, буттан кумаг буллай, кIяла буллай ивкIун ур аьралий кухнялул кIункIурду.
Армиягу лавхъун, Кьурбан-хIажи лавгссар зун ГьунчIукьатIрал къутандалийн. Цала захIматрахлу ванал хIалал бувссар биялсса Барчаллагьрал чагъарду.
1961 шинал ва цIунилгу лавгссар Омск шагьрулийн къалайчину зун. Пенсиялийн увккун махъ зий уссия личIи-личIисса давурттай Ставропольлай, Нальчикрай, Узбакисттаннай. 2006 шинал Кьурбан-хIажи лавгссар хIажлийн. Цала кулпатращал, аьпа биву Асиятлущал, вайннал ччаннай бацIан бувссар 2 арс ва 2 душ.
Барча, Кьурбан-хIажий, вил юбилей! ЧIа тIий буру вин цIуллушиву, вилациринная щалихханнинсса оьрму, оьрчIал ххари уллай личIаннав.
ГьунчIукьатIрал ккурандалул чулуха
ХIажибутта ХIусайнов
