Сентябрьданул 1-нний ДР-лул шяраваллил хозяйствалул ва бакIлахърулул цалчинма хъиривчу Шарип Шарипов увкIунни Дагестанские Огнилийсса Аграрный колледжравун, ванал барча бунни студентътал, педагогтурал коллектив, нину-ппу КIулшиврул кьинилуцIун ва цIусса дуккаврил шин дайдишаврицIун.

Хьунабакьаврий Шариповлул бувсунни Аграрный колледжрал республикалул агропромышленностьрал комплексран дурккусса зузалт хIадур баврил агьамшиврия. «ХIакьинусса кьини аграрий колледжирттал ва вузирдал хьхьичI бур агьамсса масъала – отрасль щаллу баву дурккусса пишакартурал. Колледжрал бартбигьлагьиссар жагьилсса пишакартал хIадур баврил масъалалияр ххишала, миннаву жаваблувшивугу, захIмат ххирашивугу, низам дуруччавугу, аьращараха зузисса инсантурал хIурмат бавугу чантI чин даву», – увкунни ванал.

Шарип Шарипов кIул хьунни колледжрал материал-технический базалул тагьарданущал.
«Студентътуран ва педагогтуран чIа тIий ура дуккавриву тIайлабацIуртту ва хьхьичIуннайшивуртту.
Барча зул КIулшивурттал кьини ва цIусса дуккаврил шин!» – увкунни министрнал цалчинма хъиривчунал.