ДР-лул Строительствалул министерствалул бувсмунийн бувну, 2025 шинал Дагъусттаннай къуртал буллай бур МахIачкъалалив дуллалисса шагьрулул канализациялул коллекторду.

« БакIуйн буккан буллалиссар объект «Проектирование и строительство внутригородских канализационных коллекторов г. Махачкалы». Ва буванну харж дуллалиссар 2,8 млрд къуруш, объект буллай бур Национал благосостояниялул фондрал лагрулий», – тIий бур документрай.

Республикалул инвестициярттал программалул лагрулий буллай бур 38 коммунал инфраструктуралул объект 24 райондалий ва МахIачкъалаллал 3 поселокрай. Миннувату 36 объект бур щинал дузал баврил ва 2 объект ишла дурсса щин дукьан даврил. 2025 шинал ми объектру буван итадаркьуну дур 38,6 млн къуруш.
2025-2027 шиннардий Дагъусттаннан «Модернизация коммунальной инфраструктуры» тIисса программа бартдигьаврил лагрулий итадакьин ккаккан дурну дур 2,3 млрд къуруш федерал бюджетравату ва 1,2 млрд къуруш республикалул бюджетравату.