ЦIуссалакрал райондалий хъуннасса къулагъасрайн лавсун бур Ватандалул мурадру буручлачисса аьралийтал.

 Вай гьантрай ЦIуссалакрал райондалийсса «Память гор» ДРОО-лул каялувчи Давуд Садаевлул сипталийн бувну, гуманитар кумаг тIайла бувккунни хасъсса аьралий операциялий бигарду бартбигьлагьисса аьралийтурачIан.
АьралийтурачIан гьан дунни камаз бувцIусса щинал далухIиртту, маскировкалул къертту ва цаймигу кьай-кьуй.
Ва ххуллухьсса гуманитар кумаграл акциялий чялишсса гьурттушинна дунни МахIачкъала шагьрулул Жагьилтурал центрданул пишакартурал.
КутIасса чIумул мутталий цинявппа хIала бувххун, цачIун бунни цIанасса ппурттуву аьралийтуран аьркинсса кьай-кьуй дусса кумаг.

Имара Саидова