Аьрасатнал Федерациялул Культуралул министерствалул гастроллал ва концертрал пландалийн бувну, Дагъусттаннайн дучIантIиссар паччахIлугърал балайлул ва къавтIаврил лайкь хьусса «Донбасс» ансамбль.

Ва коллективрал жулла республикалий кIира кьини ккаккан дувантIиссар концертру: апрельданул 1-нний – МахIачкъалалив, М. Горькийл цIанийсса Оьруснал драмалул театрданул Хъунмур сахIналий, Дагъусттаннал къавтIаврил лайкь хьусса «Лезгинка» ансамбльданущал архIал; апрельданул 2-нний – Дарбантлив, С. Стальскийл цIанийсса Лазгиял музыкалул ва драмалул театрдануву.
«Донбасс» ансамбль хъанахъиссар Донецкаллал Халкьуннал Республикалул визитная карточкану. Коллективрал репертуардануву бур 300-нния ливчусса произведенияртту: къавтIаврил, балайлул, инструментру бищаврил.
Концертирттайнсса билетру ласун бюхъантIиссар «Пушкиннул карталийн» бувнугу.