Сентябрьданул 1-нний ЦIуминалийсса ЦIуссалакрал райондалий Аьхъардал шяраву тIитIин тIий бур 90 оьрчIансса «Светлячок» тIисса оьрчIал багъ. Ва бур 2 зивулийсса, бувну бур оьрчIру бялахъайсса 6 площадка, спортрал, музыкалул заллу, дукра дукайсса къатта ва личIи-личIисса кабинетру.
Имара Саидова
Сентябрьданул 1-нний ва садикравусса 6 группалувун кьамул бантIий бур 2 шинава 6 шинавун бияннинсса оьрчIру. Садикрал лагру дур 7 азарда квадратный метр, объектрай дур тIуркIурдал, спортрал ва хозяйствалул ккаккан дурсса зонарду. Му бакъассагу, хIисаврайн ларсун дур цIуллу-сагъшиврул ссуссукьушиву дусса нину-ппу буххансса шартIругу.
ХIакьинусса кьини садикрай зун кьамул увну ур 25 инсан, цивппагу ва шяраву ялапар хъанахъисса.
