КIулсса куццуй, октябрьданул 30-нния ноябрьданул 7-ннин жулла республикалул культуралул идарарттал кьамул буллалиссар анжагъ QR-код бусса тамашачитал, мукунма махъсса 72 ссятрал мутталий дурсса отрицательный ПЦР-тест душиву ягу махъсса 6 зурул дянив коронавирусрал азарданул къашавай хьушиву тасттикь буллалисса чагъарду канихь буми. Культуралул шадлугъирттайн бувкIми щябитлатиссар кувнначIату кув архну ва зал так бачIиннийн бияннин буцIин бувну.

Зукъази нюжмардул му­тталий оьрмулул 14-22 шиннавусса жагьилтураща, Культуралул министерствалул хIадур дурсса шадлугъирттайн Пушкиннул карталийхчил лавгун, паччахIлугърал харжлугърацIух бюхълай бур личIи-личIисса пьесарду, выставкарду, концертру ккаккан. КIицI лаганну ва нюжмардул ливчIми гьантрай хьунтIисса шадлугъру.

Ноябрьданул 4-нний:
– Онлайн кьаралданий, рес­публикалул культуралул идарар­ттал интернетравусса социал лажинтирттай, хьунтIиссар Щалвагу Аьрасатнал акция «Ночь искусств»;
– Халкьуннал цашиврул кьинилун хасну халкьуннал творчествалул «Вместе – мы Россия!» тIисса цIанилусса Республикалул байран ва халкьуннал усттартурал выставка-ярмукIа хьунтIиссар Къумукьнал театрдануву;
– Оьруснал театрдануву ссят 17.00 хьунтIиссар байрандалун хасъсса концерт;
– Яруссаннал театрдануву ссят 18.30 ккаккан бувантIиссар Ф. Аьли­евал ва М. Аьбдулхаликьовлул пьесалийнусса «Не невеста, а золото» тIисса спектакль.

Ноябрьданул 5-нний:
– Ссят 17.00 тIитIинтIиссар художник Алексей Бобрусовлул «Письма к отцу» цIанилусса выставка.

Ноябрьданул 6-нний:
– Оьруснал театрдануву ссят 17.00 ккаккан бантIиссар Ж-Б. Мольердул «Тартюф».

Ноябрьданул 7-нний:
– Оьруснал театрдануву ссят 12.00 хьуну оьрчIаща ва магьри ххирасса цинявннащавагу кка­ккан бюхъантIиссар Г.Х. Андерсеннул «Снежная королева».
– Оьруснал театрдануву ссят 17.00 М. Дярфашлул «Прос­нись и пой» спектакль ккаккан бантIиссар.

Мукунна гьарца кьини ду­ссар музейрдал экспозицияр­ттавунсса экскурсиярттугу.