Январьданул 18-нний» Гранд Плаза» ТЦ-лий хьунни «Лига Лакии» футболданул лакрал шяраваллал командарттал дянивсса бяст-ччаллал хьхьичIунми футболчитуран наградартту дулаврил церемония.
Лаваймур даражалул дивизиондалуву 1-мур кIану бувгьунни Хъурхърал командалул, 2-мур кIану – ЦIуссаккуллал командалул, 3-мур кIану – Ххутрал командалул.
Цалчинмур дивизиондалуву 1-мур кIану бувгьунни ЧукIуннал командалул, 2-мур кIану – Хъюйннал командалул, 3-мур кIану – Гъумучиял командалул.
Сурхай-ханнал Кубокрал цIанийсса бяст-ччаллаву 1-мур кIану бувгьунни ДучIиннал командалул, 2-мур кIану – Читтурдал командалул, 3-мур кIану – Улучаллал командалул, 4-мур кIану – Ххюлуссуннал командалул.
2024-ку шинал Сурхай-ханнал Кубокрал яла хьхьичIунма гьужумчинан ккалли хьунни Шарип Кьурбанов (Читтур). Яла хьхьичIунма защитникнан — ХIабибуллагь Оьмаров (ДучIими). Яла хьхьичIунма къапучинан — Шамил Аьлиев (Уручул). Яла хьхьичIунма легионернан ккалли хьунни Абумуслим МахIаммадов (ш. Шахьуйми).
Сурхай-ханнал Кубокрал яла хьхьичIунма жагьилма футболчинан ккаллину ур Микаил Кьурбанов (Уручул). Яла хьхьичIунма футболчи хьуну ур ХIабибуллагь Оьмаров (ДучIими). Яла хьхьичIунма ассистент — Ражаб Гъапуров (Читтур).
Мурад ХIусманов (Гъумучи) ва Ражаб Гъапуров бур ва Кубокрал «Гол + Пас» системалий яла хьхьичIунмину.
Футболданул даву лядуккан давриву бивхьусса захIматрахлу ва кумаг баврихлу Барчаллагьрал чагъар буллунни Илиясов Марат Сиражуттиновичлун.
Футболданул даврин информациялул чулухасса кумаг буллалаврихлу Барчаллагьрал чагъар буллунни «Илчи» кказитрал редакциялун.
Информациялул чулухасса кумаграхлу Барчаллагьрал чагъар буллунни Кьадиев Карин Кьадиевичлун.
Футболданун кумаг баврихлу Барчаллагьрал чагъар буллунни спортрал янналул ттучандалул хъунама Мирзаев МухIаммад ХIамзаевичлун.
Турнирданул даву лядуккан даврихлу Барчаллагьрал чагъар буллунни Ттаттаев Эмиль Кьурбанзагьидовичлун.
ХIасан Аьдилов
