[dropcap]П[/dropcap]атриарх Кириллул Да­гъусттаннал муфти АхIмад-хIажи Апаннинан «Орден Славы и Чести» дулунтIишиву баян бунни.Патриархнал Экспертътурал советрал член Роман Силантьевлул кIицI лавгунни муфтиятрал Аьрасатнаву дакьаву дуруччаву мурад­рай бувсса хIарачатран Оьруснал православиянал килисалул лайкьсса кьимат бивщушиву.

П. Рамазанова
«Жун кIулли АхIмад Апаннинал террористътурая Дагъус­ттан буруччин цуксса хIарачат був­ссарив, кIулли мунал тарап дургьуми, даврил уртакьтал циксса оьрмурдацIа бувссарив. КIулли муфтинал оьрмулунгу нигьачIишин диркIшиву. Ванал республикалий православиянал ихтиярду дуруччингу мудан кабакьу бувай, чIарав ацIай», — увкунни Силантьевлул. Бувсунни ванал исламрал кIулшивуртту дуллалисса идарар­тту ва мизитру хIисав бувнугу Да­гъусттан хьхьичIххуттай бушиву. «Орден Славы и Чести» Оьруснал православиянал килисалул (РПЦ) ца лараймур наградар. Уттинин ва орден ларсминнавух бур Владимир Путин, Фидель Кастро, Нурсултан Назарбаев ва цаймигу машгьурсса инсантал.