[dropcap]В[/dropcap]ихьуллал шяравун ччянира дурцуну дур Щуну-Зунттуя нанисса хIачIайсса щин. Амма цила чIумал вай щин дурцусса бургъурду багьайсса кьяйдалий куртIну къабувччуну,ялтту къир хьхьарану бувккун бивкIун тIий, аьллай, пIякьа тIий буссия. ДукIуя шинмай вай бургъурду баххана буллай бур, уттизаманнул пластикалул аькъаяйсса цайми бихьлай. Ва даву цIана най дур шяраваллил хьхьичIсса Кьуллалияту колхозрал чулийннай, Щамалувалу тIисса кIанайн дияннин.

ХIажимурад ХIусайнов
Вихьуллал шяраваллил администрациялул бакIчи Сулайманов СайкIул бувсунни вай бургъурду баххана бансса кIанттурдал лахъишиву 700 мет­ралийн дирсса душиву. Бувсунни вай давуртту дуллалисса Вихьуллал жагьилтурал цIардугу: ХIусайнов ХIусайн, Сулайманов Сулайман, Чупалаев АбрикI, НухIов Чунта, МахIаммадов ­Оьмар.

ЦIуллу баннав зу, жагьилтал!