1.Гьузун аьркинссар хасну личIи бувсса кIанттурдай: пляжирттай, бассейннаву.
2.Баргъ лачIунсса нигьачIаву дуссар ссят 11-нния 17-ннийн бияннинсса чIумуву.
3.Баргъ кIири буллалисса чIумал ххютулу бацIан хIарачат бан аьркинссар. БакIрай карщи, кьяпа бикIан аьркинссар.
4.Бувччу хьусса тагьарданий щинавун бучIан къабучIиссар. ХIанттил къюкIлийн гуж бутайссар.
5.За дуркуну махъ так ссят ва дачIи, кIира ссят ларгсса чIумалли щинавун буххан бучIисса. Щинаву 15 — 20 минутраяр ххишала дан къабучIиссар.
6.Щинавун хIалли-хIаллих тIий буххан аьркинссар, хаснува чурх бургъил кIири лаган бувсса чIумал.
7.Щинавун бучIлай лахъи-утта лаган бучIиссар гьавалул ва щинал температуралух, мукунма мурчал гуж-хьхьарашиврух бурувгун.
8. Чурх хъинну бявкъусса чIумал хьхьа батIин бюхъайссар. Му чIумал ххалаххи кьутIин аьркинссар.
9. НигьачIаву дуссар кIул бакъасса кIанттурдай щинавун ххяхлан. БакI аьрщарайн ягу кьянкьасса затрайн щуну, кIулшилия гьан бюхъайссар.
10. Нанисса жамирдачIан гъан хьун къабучIиссар.
11. КъабучIиссар катерду ва гидроцикларду дусса кIанттурдай гьузун.
12. Щинавун бучIлачIийни личIлулну, низам дурурччуну бухьурча, зу зула оьрмурду ва цIуллу-сагъшиву мюхчан дуллалиссару.
АхIмад АмирахIмадов, Мах1ачкъалаллал патрульданул къуллугърал группалул
хъунама госинспектор