Уттигъанну, ахттакьунай, Ваччату Хъюйннал шяраваллил чулийнмай нанисса ахьттачунал ххуллийх шавайн най уссияв.

Дурусну ЧIяйннаарнил дянивун ивсса чIумал, Хъюйннал шяраваллил чулуха лахъазан лархъун, хьхьичIун нанисса школалул оьрчIру янилун багьуна. «ЧIун дакъа чIумал вай чун най бурвав?» — тIисса пикригу бакIравун бувххун, чун най буру куну, цIувххуссия. ОьрчIал дуллусса жавабрал на ххари увнав. Бувсуна Ваччав лачIун буклан тренировкалийн най бушиву.

[dropcap]Я[/dropcap]ла на, гайнная цIардугу дурну, бувсъссия жула Къяннал шяравасса Ширвани Мурадов 2008-ку шинал Пекиннай хьусса Олимпиадалий лачIун уккавриву чемпион хьуну ивкIшиву. ХIарачат бувара куссия га кунмасса хьун зувагу. Яла, хъамакъабитулун, Щуну-Зунттул ххинчугу махъ чIалансса кьяйдалий, сурат рирщуссия. КIул хьияра вайннащал: Кьурбанов Аьлибаг, Кьурбанов Абубакар, КьурбанмахIаммадов Аьли­хан, МахIаммадов Илхам, КьурбанмахIаммадов Юнус.
ЧIаучинну жувагу чIава­сса лачIунбуккултран тIайла­бацIуртту!