Уттигу буван аьркинну бур 664 къатта.
ЦIуссалакрал райондалийсса лак цIусса миналийн бизан баврил ва Аухуллал район цIудуккан даврил давуртту дуллай бур 1992 шиная шинмай. ЦIусса миналийн бизлазиминнал тагьарданий лакрал хьунни 26 шинаяр ххисса чIун.
ДР-лул экономикалул министр ХIусман ХIасбулатовлул тIимунийну, миксса шиннардий цIусса миналул урчIрагу шяраву бувну бур 3053 къатта, 10 школа, 3 оьрчIал багъ, 370 оьрчIансса поликлиника, 30 инсаннан уттуишин кIантту бусса азархана, 670 километра инженер сетирдал. Уттигу буван аьркинну бур 664 къатта. Дузал бувну бакъар уттигу цинярдагу шяраваллаву социал ва инженер инфраструктуралул объектру баврил хIакъиравусса масъалартту.
Ми цинярда давуртту бартдигьинсса арцурду федерал бюджетравату итакъадакьаву сававну лак цIусса миналийн бизан баву цимилагу лахъи лаган дуллай бивкIссар.
«ЦIусса миналийн бизан бувсса лакран дагьайсса шартIру дузал даву мурадрай, аьркинссар 2020 шинал 9-гу шяраву канализациялул ва щин марцI дуккан дайсса сооружениярттал объектру ва шяраваллаву ххуллурду буллай байбишин. Ми цинярда шяраваллу токрал дагьайкун дузал даншиврул аьркинссар дузрайн дуккан дуван электропередачарттал ххаллу дуцаврил ва подстанцияртту баврил давуртту. Ми давуртту дуван харж дуван аьркинну дур 1,6 млрд. къуруш», — увкунни ДР-лул экономикалул министрнал.
ХIадур бувссар
ХI. Аьдиловлул
