[dropcap]В[/dropcap]узирдаву дакъассагу, лакку мазрайсса диктантру чирчунни цаппара школарттайгу. МахIачкъалаллал №37-мур школалий лакку мазрал дарсру дихьлахьисса Ума Парамазовал

бувсунни 8-9 классирттаву дуклакисса 19 дуклаки оьрчIал цалва школалий чирчушиву диктант, текстрал авторгу Ибрагьим-Халил Кьурванаьлиев ушиву.

---

П. Рамазанова
Лавгзаманнайсса чагуртътурал оьрмулул тема аьч дуллали­сса текстр­ал цIагу дур «Чагурт».
ДакIнийн бутанну, гьашину шамилчинсса шин хъанай душиву миллатирттал мазурдий­сса диктантру чичлай республикалий. Ва даврил сиптачитал хьусса Дагъусттаннал миллатирттал иширттал­сса буллали­сса министерствалул вакилтал дакI дарцIуну бур укун­сса акциярттал миллатирттал мазру ла­хьхьаврихсса къулагъас ххишала хьун дуллалишиврий.

[dropcap]Б[/dropcap]ур, мяйжанссар, му даврия личIину мюнпат бакъассар тIутIиссагу. ЧIярусса шиннардий Дагъус­ттаннал университетраву да­гъусттан мазурдил кафедралий зий бивкIсса Роза Эльдарова бур, масалдаран, миллатирттал мазурдийсса диктантру чичланнин, цал мазурдил хIакъиравусса закон кьамул дуван аьркинссар, дурассар уттигу республикалий мазурдил закон кьамул дуван тIий.