Хъуннасса Ххувшаврил кьинилул хатирданун хасну, цайми-цаймигу мюрщи-хъунисса давуртту къахIисавну, Карашрал шяраву, администрациялул бакIчи Захар ХIусайновлул хIарачатрайну,цIу дуккан дурунни щарнил зума-къирагърайсса, Хъун дяъвилул аьрай жанну харж дурминнан цIа куну дацIан дурсса, гьайкал.
Мура кьини, Карашрал школалул учительталгу, дуклаки оьрчIругу гьайкалданучIан бавтIун, ккаккан дурунни Ххувшаврил савлугъран хас дурсса назмурдал ва балайрдал программа.
Миккун бавтIминнал хьхьичI махъру лавхъуна: сайки цала щалва оьрму педагогнал пишалун хас бувсса, чIярусса шиннардий Карашрал школалий зий ивкIсса МахIаммад-ХIажи Аьлиевлул, диялсса чIумуй шяраваллил советралгу, администрациялулгу хъунаману зий ивкIсса Кьурбан Кьурбановлул, хIакьинусса администратор Захар ХIусайновлул, школалул директор Эмир ХанмахIаммадовлул ва м.ц.
Гьайкал цIу дуккан даврицIун бавхIусса магьирсса кушу буллалимину бия: Аьлиев Гьашимбек, Юсупов Насруллагь, ХIусайнов Ширвани.
Зулайхат Тахакьаева