Шагьпялут (каштан)
Шагьпялутраву 50-52% щинал, 42,9% углеводрал бусса бур.
Мунил ккири, чIапIив, цурда ахъулсса ишла дайсса дур халкьуннал медициналуву ссихIирал ххуллурдал цIуцIаву, лякьлул, ревматизмалул, ччаруллал ва цаймигу цIуцIавуртту хъин дан.
Аьракьилуву ягу спиртраву дишара 2 нюжмардийсса шагьпялут ва мунил тIутIив, бурувххусса, къюву дусса ттаркI-базулийх дуккарча, къюву дакъа шайссар. Мукунма ишла бан бучIиссар ва дарув артрит, полиартритрал къашайминнангу (10-12 процедура). Ялагу ва даруврал оь хьюму байссар, оьттул туннурду цIакь байссар, тромбарду хьун къабитайссар. БучIиссар, ва дарув бувара куну, аптекарттавугу тIалав бан, бучIиссар жунмагу бан.
10 гр. тIутIал ягу цурда шагьпялутрал мюрш дурну, бачIи стакан щинаву цIансса кIанай дитайссар 7 гьантлийсса, чIумуя чIумуйнгу хъюлчу дуллай. Яла, диргьуну, дукра дукан хьхьичI 30 кIунтI гьантлун хIачIайссар.
КъабучIиссар оь хьюмусса инсаннан шагьпялутрая бувсса дарув хIачIлан, мукунма лякьлул язва думиннангу.
Т. ХIажиева