[dropcap]М[/dropcap]артрал 25-нний Ккуллал райондалул бакIчи Рамазанов Шамиллул нюжмардий цал дувайсса батIаврийн бувкIми кIул бувунни цала цIусса хъиривманащал.
ХьхьичIавама хъиривчу цамур даврийн лагаврийн бувну, ва къуллугърай ивтун ур Ккуллал шяравасса Халидлул арс ХIусманов Ажув. Увну ур Ажув Ккуллал шяраву 1968-ку шинал. Ва уттинин зий ивкIун ур Дагъусттаннал пенсион фондрай жаваблувсса давурттай.
Жувагу чIа учинну ванан цIусса даврий цIу-цIусса тIайлабацIуртту.
