Уттигъанну МахIачкъалалив ДР-лул Культураул министерствалул ва Республикалул Халкьуннал творчествалул къатлул сипталийну хьусса«Энемжая» тIисса оьрчIал художествалул творчествалул Республикалул ХI-мур фестивальданий гьуртту хьунни ЦIуссалакрал райондалул искусствалул школалул оьрчIал ва чIава жагьилтурал къавтIаврил ансамбль «Эдельвейс».
Ансамбльданул усттарну ккаккан дунни «Мукьа дус» тIисса къавтIаву.
Укунсса фестиваллай, конкурсирттай, концертирттай гьуртту шаврийну цала гьунарду ккаккан баву бакъассагу, цайми коллективирттащал творчествалул опыт кIибачIинсса сант ххишала хъанахъиссар.
Ва фестивальданий «Эдельвейс» ансамбльданун оьрчIал художествалул творчество хьхьичIуннай даврихлусса диплом буллунни.
ХIадур бувссар
Имара Саидовал