Апрель зурул 27-нний ДР-лул ВацIрал хозяйствалул комитетрал председатель ХIажиев Аьлибаг увкIунни Ккуллал райондалийн.
[dropcap]В[/dropcap]анащал хьунабакьин цала-цала мурадирттащал бувкIун бия: Ваччиял школалул директор Мирзоева Бажи, Ккуллал цалчинмур школалул завуч Маммаев Рамазан, Ккуллал райондалул бакIчинал хъиривчу Давдиев Анатолий.
Ваччиял школалул директорнал тавакъю бувна цIуну бувсса Ваччиял школа къуртал буван (дукра дувайсса, дукайсса къатри дузал хьуну дакъасса дия) кабакьу бува куну. Райондалийн инсантурал ласун кIинттул ччуччинсса хъуручI ва тIама къадукIлай душаврийн бувну, укунмагу чансса шяраваллал лагмасса вацIри кьукьлай бушавриясса цала буруккин бувсуна Маммаев Рамазаннул.
Давдиев Анатолийл кIицI бувна Ккуллал, 2-мур ЦIувкIуллал, ЦIущардал лагмасса вацIрал егертал битан багьлай бушиву.
Аьлибаг ХIажиевлул махъ буллуна гьаз бувсса ми цинявппагу масъаларттал ялув ацIан.