[dropcap]Р[/dropcap]еспубликалул диагностикалул центрданий Дагъус­ттаннал БакIчинал цIаниятусса барчаллагьрал чагъарду буллунни коронавирусращалсса талатавриву хьхьичIун ливчусса медициналул зузалтран.

Цаппараннан дуллунни Дагъус­ттаннал цIуллушиву дуруччаврил министрнал ва Диагностикалул центрданул хъуниминнал цIаниятусса хIурматрал грамотарттугу.

---

П. Рамазанова
Барчаллагьрал чагъардан ва грамотарттан лайкь хьуми барча буллай, Диагностикалул центрданул хъунама хIакин Заира Къаплановал кIицI лавгунни захIматран чIиви-хъунсса кьимат бищаврил зузалтраву гихунмайгу бюхъу-хIарачатрай зунсса гъира цIакь бувайшиву.

— Ва къабигьасса ппурттуву Диагностикалул центрданул коллектив цащава шаймур буллай бивкIссар пасатсса вирусращал­сса талатавриву цалвамур даврил бутIа бишин, медициналул зузалтран цинявннанма асар хъанай бия агьали цайнма вихшалдарай бушиву ва му вихшалдарава къубукканну зунгу, къуццу тIунгу багьлагьишиву. На дакIнихтуну барчаллагьрай бура цала даврил буржру лажин кIялану би­ттур буллай бивкIцириннайн, щалва коллектив, ца кулпат кунма, куннан ку кумагру буллай зий бивкIунни, — тIий бур Заира.
ХIурматрал грамотартту ларсминнавух бур лакгу.
— ЗахIматран бивщусса кьиматрал мудангу буржлув буллали­ссару даву лахъсса даражалийн гьаз дуван, жулва бурж лайкьну биттур буван, — тIий бия грамота ларсъсса Жамила МухIуттинова.
ФОМС-рал хъуниминнал цIаниятусса Барчаллагьрал ча­гъарданун лайкь хьуминнавух бия цуппа Заира Къаплановагу. ЦIусса хьхьичIуннайшивуртту чIа тIий буру къабигьасса, амма агьалинан чара бакъа аьркинсса, алвагьсса давриву!