[dropcap]О[/dropcap]ктябрь зурул 9-нний ттун бахтти хьунни Хъюйннал шяраваллил бугьараминнащал хьунабакьлакьисса мажлисравух гьуртту хьун.
Мажлис тIивтIуну бия Хъюйннал культуралул къатраву, чIирттай дия Хъюйннал Культуралул къатлул хъунмур АхIмадова Суджанал щаллу дурсса стенд. Бугьараминнащал хьунабакьин, вайннах вичIи дишин бувкIун бия райондалул Ветерантурал советрал председатель Аьбдул Загьидиев, райондалул администрациялул вивсса политикалул отделданул каялувчи Шамххал Хизриев. Бугьарами барча буллай, балайрду увкуна Кьурбанов ХIабибуллагьлул.
Уттинин укунсса хьунабакьавуртту хьунни Ваччиял, ЧIяйннал, СумбатIуллал, Ккуллал шяраваллал бугьараминнащал.
ХIатта вай тяхъашивурттал кьини кIицI къабувнува битан багьлай бивкIхьурчагу, ттула касмулул биялалул ишну хъанай бухьувкун, ттун укунсса ца зат кIицI буван ччай бур. Хъюйннал культуралул къатри дур дачIи леркьун, лирчIмигу лекьавай дур. Вай къатрах уруганма ухлавгунния акъахьунссар – Хъюйннал шяравугу, райондалийгу.
Лажин хIадур дурссар
ХIажимурад ХIусайновлул