Ларгсса номерданий жу бувсъссия Ватан дуруччултрал кьинилун хьунийн Лакрал райондалул администрациялул ирглийсса ссайгъатращалсса «Газель» тIайла бувкшиврия хасъсса аьралий операциялий гьуртту хъанахъисса аьралитуран.
Му иширал сиптачину хьуну ур райондалул бакIчи Юсуп МахIаммадов. Вай гьантрай Лакрал райондалул Телеграм-каналданий дурккунни, ссайгъат Запорожскаллал аьрайн бивну, ликкан буллалисса, аьралитал дуклаки оьрчIал чагъарду, барча буллалисса открыткарду ккалакисса, кьаркь дикIухун ххунк канакисса суратру ва видеороликру.
Аьралитал барчаллагьрай бур райондалул агьалинайн ва дуклаки оьрчIайн дакIнийхтуну тIайла бувксса ссайгъатрахлу, гьавас бутансса чагъардахлу.
Кумагращал лавгун ур хасъсса аьралий операция байбивхьусса гьантрая шийнай тикку гьуртту хъанахъисса Хьурттал шяраватусса Заур Маммаевлул уссу Оьмари. Оьмари цувагу чIумуя чIумуйн лагайсса ур Запорожскаллал областьрайн жула аьралитуран гуманитар кумаг лавсун.
