[dropcap]Ж[/dropcap]ула билаятрай июньдалул 12-нний кIицI лагайсса Аьрасатнал тархъаншиврул кьинилул тарих чIивисса бакъар.
Шагьрурдай ва архсса щархъаву, аьдатрайн бувну, ва кьини хъун дувай, гурсса концертру, агьалинансса тяхъашивуртту дуллай.
З. АьбдурахIманова
Гьашину тIурча, санитар-эпидемиологиялул тагьаргу хIисавравун ларсун, ва кьини кIицI лагантIиссар онлайн-режимрай. Ва кьини хьунтIисса Щалагу Аьрасатнал флешмобирдай, челленджирдай ва цаймигу акциярдай гьуртту хьунтIиссар жулла республикалул культуралул идарарттугу.
Гьарца гьурттучинахь дуссар ихтияр, цанна ччимур акциялий гьурттушиннагу дурну, цалва гьунар ккаккан буллалисса видео дишин социал сетирдай. Мисалдаран, агьалинал хIаятирттаву дувантIиссар #МыРоссия» тIисса хэштегралу Аьрасатнал гимн тIутIисса акция ва концертру. Гьурттучитурал аьркинссар, билаятрал гимн тIисса видеогу чирчуну, тамашачитуран ккаккан соцсетирдай дишин.
ЛичIи-личIисса шиннардий Аьрасатнал культуралул ва магьирлугърал ишккаккулт яхъанай бивкIсса къатрал хIаятирттавугу июньдалул 12-нний дувантIиссар байрандалуцIун дархIусса шадлугъру.
Республикалул районнал центрдай культуралул идарарттал зузалтрал хIадур дурсса автоклубрал концертру дишинтIиссар.
Тяхъашивурттал ва шадлугърал сакиншинначитурал мурадру бавхIуну бур жула аьдатру дуруччаврицIун, миллатирттал дянивсса дусшиву цIакь даврицIун ва жулва билаятрай дакьаву дуруччаврицIун.
#РусскиеРифмы» тIисса хэштегралусса конкурсрай гьарцагу гьурттучинал аьркинссар, Аьрасатнал классикалувасса шаэртурал назму ягу чичултрал произведениярттал ца бутIа ккалаккисса видео ларсун, соцсетирдай дишин #ОкнаРоссия#ЯлюблюРоссию» тIисса хэштегругу чирчуну.
Щала Аьрасатнал #ОкнаРоссии» тIисса акциялул гьурттучитурал тIурча, аьркинссар цала къатрал чIавахьулттай жула Ватандалун, билаятран хасъсса суратгу дирхьуну, видеогу ларсун, гава куццуй социал сетирдай тамашалун дишин.
ОьрчIансса #РисуюРоссию» тIисса акциялул лагрулий мюрщи гьурттучитурал, ччай бухьурча, кумагран цала нитти-буттахъайнгу оьвкуну, аьркинссар хIакьинусса ва гьунттийсса Аьрасат цанма цукун чIалай бурив ккаккан буллалисса суратгу дирхьуну, му тIайла дуккан «Большая Перемена» тIисса Щалагу Аьрасатнал конкурсрал социал сетирдайн.
