Райондалий хъанахъисса иширттаяту жяматрахь бусласаву гьарта-гьарза дуваншиврул Ккуллал райондалул администрациялул, аьркинсса ихтиярдугу ларсун, интернетраву итабакьлан тIий бур «Эхо гор» цIанилусса хаварду.
Ва интернет СМИ-лул редакторну икIан тIий ур Ккуллал райондалул администрациялул вивсса политикалул отделданул каялувчи Хизриев Шамххал. Ванал бусаврийн бувну, даву дайдишин тIий дусса дур цIусса шинал дайдихьулий. Шиккува икIантIиссар хаварду батIлатIисса корреспондентгу. Жувагу чIа учинну гьалмахтуран тIайлабацIуртту.
