[dropcap]Д[/dropcap]агъусттаннал КIулшивуртту дулаврил министерствалул ххал бигьлан най бур школарттай ремонтру даврих арцу тIалав дуллай бушиврийн бувну бувкIсса аьрзри. Аьрасатнал Федерациялул КIулшивуртту дулаврил министерствалул хъунмур Ольга Васильевал кIицI лавгунни дуклаки оьрчIал нитти-буттая школарттай ремонтру даврих арцу ратIлан цукунчIавсса ихтияр дакъашиву.
И. Саидова
Щалагу Аьрасатнал нитти-буттахъал аьмсса батIаврий Ольга Васильевнайн Дагъусттаннаясса дуклаки оьрчIал нину-ппу аьрзирай бивкIун бур классру ремонт баврих ва тетрадру ласаврих арцу ратIлай бушиврия. Ванил махъ буллунни Дагъусттаннал БакIчинащал ва масъалалул хъирив лаян.
— Жу мудангу, укунсса ишру тикрал хьун къабитлай, хъирив бивзун буссару. Хъунмасса хIалъя нитти-буттал чулуха школарттай арцурду ратIлай бушивриясса аьрзри къабуллай.
Гьарица бувкIсса аьрзирал хъирив лавну, багьайсса ххуллурду ласлантIиссару. Директортурахь бакIрайва бувсъссар, къадагъа дирхьуссар, миннан кIулссар мукунсса ишру сававну давурттая букьан бувшиву цикссагу инсантал. Ва масъала аякьалийн лавсун, ялув бавцIуну зунтIиссару, — увкунни ДР-лул кIулшивуртту дулаврил министрнал хъиривчу Темирхан Халиловлул.
Ванал бусаврийн бувну, республикалийсса цинявппа школартту хIадурну бур цIусса дуккаврил шинайн.
