Иммунитетрал кумагчитал

КIялажавжрал (имбирь) мар­хха ца яла хьхьичIунмур кумагчину хIисав хъанай бур, грипп дир­сса, аьвкъу-гъили хьу­сса чIумал.

Цукун личIи бантIиссар?
ЦIусса кIялажавжрал мар­хха бювчIусса бикIайссар. Агарда га щюлли бивщусса «яруннащал­сса», жиг бавтIсса бухьурча, мар­хха къаххуйсса качествалулли.

Цукун марцI бантIиссар?
Ца-цавай хозяйкахъал кунма ккири ликкан къааьркинссарча, ххартI бан аьркинссар. Яла хайр бумур кIану кIюласса ккирттарал лувмур кIанур.

Цукунни ябантIисса?
Кьавкьсса кIялажавжрал мар­хха кухнилул шкафраву битан бучIиссар, цIумур – так холодильникраву.
Цумурди хайр бумур?
Цакуцну хъинссар кьавкьмургу, цIумургу. КIялажавж бичайссар 80 градус кIиришиврияр лахъ дакъа­сса чяйлийн.
* * *
— Термосравун дичайссар 2 хъунна къуса кьаркьсса ягу цIусса хъанакIул. Ялун дутIайссар 1 литIра щаращи­сса щинал, дитайссар гьунттийнин. Гьантлун шамийлла хIачIан аьркинссар къуртал хьунцIа, качарданун кIанай хъинссар ницI.
— Салатирттавух ишла дувара зай­туннагь. Шиву чIяруссар чурххан хайр бусса аьгъусса кислатIартту.

— Канакияра хъахъи къур. Дуллалияра салатру, щюлли гьивчгу бивчуну, ягу бартлихун. Вай витаминнал мяъданни.
— Канакияра лаччи, ссунтIа тIутIияра лаччуйн. Мюрш бувну, лаччи бушкъаправу бишияра, гьавалуву инфекциялущал талансса фитонцидру гьарза шайссар.

ХIадур бувссар
Т. ХIажиевал