Октябрь зурул 15-нний Ваччав хьунни шяраваллил хозяйствалул бакIлахъия дахлахисса ярмукIа. Райондалий зий дур 184 агрохозяйство, миннуву 20 СПК, 164 хъудугьул фермернал хозяйство дур.
Мукунма райондалий яхъанахъисса сайки гьарцагу кулпат дачин дурну бур цанналусса хозяйстварду. Райондалийсса циняв хозяйстварттал биялдаралу бур 16 800 лухIи ризкьи ва 196 300 яттил хIайван. ЯрмукIалий дахлахисса хъус чIяруми дия дикI, нис, ятту-гъаттара. Дия цала-цала ахъаву ххяххан дурсса бакIлахъиягу. Гьай-гьай, багьригу бия «кьацIа къатIисса». Машачитуран райондалул культуралул зузалтрал чIирисса концертгу ккаккан дурна. ЯрмукIалийн бувкIми циняв рязину ливчIунни.
