Ларгсса нюжмар кьини, июль зурул 1-нний, Ккуллал райондалийсса 14 шяраваллил жямат гьуртту хьунни райцентрданий ва шяраваллавусса субботникирттай.
П. Рамазанова
«Гьашинусса гъи гъараллу чIярусса дуну, ччя-ччяни лачIлачIисса гъараллу сававну, шяраваллал кIичIиртту жагьурттухьхьун лавгун, жагьгу гъараллал муркIа бувну бур, инсан кIичIиравух рахIатну гьан шайсса тагьар дакъар, — тIий ур Ккуллал райондалул БакIчи Сяид Сулайманов, — укунсса тагьарданий кIичIиртту ва майданну ритан пайда бакъая, цимурца, ччюрклицIа, пух-пусурдануцIагу марцI дурну, лазилакьи дуллай буру. Уртту цулуй буссар, бюру-къатIри ххартI буллай буссар».
Райондалул КIулшиву дулаврил управлениялул зузала Юсуп ХIусайнов ур, жагьилталгу хIала буххан бувну, гьарца нюжмар кьинирдай субботникру дуллаварча хъинну хьунссия, духIиндарал щаллусса инсан гьунттий цанна дукьлан багьансса кIулну, хIакьину ччюрк къадичлантIиссар, тIий. Буттал кIанттул аьрщи аякьалий ва марцIну ядуллалаврияр хъунмасса хъинбала ватандалун къабикIанссар!
