Хъаннил байрандалул кьини ЦIуссалакрал райондалул бакIчи­нал ва Ухссавнил Ккавкказуллал округрайсса МВД-лул подразделениярттал чIумуйсса оператив группировкарттал

каялувчитурал барча бунни Герзеллал пострай къуллугъ буллалисса хъами. МахIаммадхIажи Айдиевлул ва полициялул генерал-майор Владимир Домашевлул, барчагу бувну, барчаллагь увкунни цала къуллугърал буржру лайкьну бартбигьлагьисса хъаннихь.Вайннан дуллунни ведомствалул чулухасса медаллу, райондалул администрациялул чулухасса хIурматрал грамотартту ва барчаллагьрал чагъарду.

Костромаллал полициялул зузалт ЦIуссалакрал райондалий къуллугъ буллай цалчин­сса шин дакъар.Вай Дагъусттаннал ва Чачаннал дазуй мюхчаншиву дуручлай буссар. 2018-ку шинал дайдихьулий Костромаллал областьрал ва ЦIуссалакрал райондалул бакIчитурал уссур­валшиврийсса дахIавурттал икьрал чирчуссар.Костромаллал областьрал губернатор Сергей Ситников цимилагу ив­ссар цала областьрал подразделенияртту къуллугъ буллали­сса кIанттурдайн. Костромаллал областьраясса цачIун дур кьюкьлуву бур оператив подразделениярттал, патрульно-постовой къуллугърал зузалт, участковыйтал,кинологтал, ДПС-лул инспектортал, мукунма Росгвардиялул аьралитал. Цала зузалтралгу бахшишру дунни цащала къуллугъ буллалисса хъаннин. Хъирив вайннайн ссупралухун оьвкунни. Вара кьини дакIний личIансса экскурсия бунни цаппара Да­гъусттаннал районнайн.