ТIутIуву дусса дур 150 лирчусса инсаннан аьркин­сса затру. Къюмай тIутIул ккир­ттараву бусса бур хъан, витин, эфирное масло ва м.ц. затру. Мукунма лухIи тIутIул ккир­ттараву бусса бур тIабиаьтрал фенол (карболовая кислота), аьлим­турал тасттикь буллай бур ва фенолданул бугъ дайшиву урандалул цIуцIаву, цумур стадиялий дунугу.

КъюмайтIутIул щинаву ду­ссар 20% нацIушиврул, белок, аьгъушиву, клетчатка, пектин, витаминну В1, В2, В6, В12, С, Р, РР ва фолиевая ва цаймигу кислота.
КъюмайтIутIул обмен веществ ххуй дайссар, инсаннал чурххава кIущалу буккан бай­ссар . ТIутIул хъуварая дуккай­ссар хъинну агьамсса, дарувран кIанай дацIайсса аьгъушиву. ЛухIитIутIул щинал хъинну кумаг байсса бур гастритран, геморройран, кьавс хьусса чIумал, мукунна ттиликIрал къашайшиврун, сситтукъатлул цIуцIаврин, гьутрулул цIуцIавурттан (чахоткалун, астмалун, плеврит­ран) анемиялун, давление думиннан, подагралун, ангиналун, кьацIливусса щавулун. Къабив­сса тIутIул щинал кIунтI бувтIуну вичIилувун вичIи чапалшиврия марцI дайссар.

КъабучIиссар
ЛухIитIутIигу, миннул щингу (сок) къабучIиссар лякьлуй, ххюттуйсса щаву оьнийн дуркминнан, хьюму лавсминнан, лякьлуй урандалул (рак) цIуцIаву думиннан.
КъабучIиссар къюмайтIутIи учсса инсаннангу, диабетрал къашайшалангу, оьрчI бан гъан хьусса хъамитайпалунгу. ТIутIул сок (щин) къахъинссар хъаннил хъазамрангу.
ТIутIи заралссар аьрсса ккарччангу, гьутрурдал лахъи ларгсса цIуцIавурттангу, къюкI­лил къашавайминнангу, дурухлу думиннан ва давление думиннангу.

Даруврансса рецептру

Атеросклероз
Ца зуруй ягу барз ва бачIи­н­нуй хIачIлан аьркинссар ца-ца стакан тIутIул щинал гьантлун шамилва дукра дукан ца ссят­рал хьхьичI.

Лахъсса кIиришиву думиннан
Мюрщи оьрчIай лахъсса кIиришиву духьурча – турщи­сса тIутIи щаращи бувсса щинай щала чурх ссуку байссар.

Дизентериялун
60 гр. дам дурсса чяйлуву дяххан дайссар 40 гр. писукрал ялун дутIайссар 100 мл. цIуну дурксса турщисса тIутIул сок. ХIачIан аьркинссар ца стакан вай щинал. 1,5-2 ссятрава, къювурдугу лагь хьуну, чурххайн хIал бучIайссар.

Малокровие
БучIиссар хIачIлан 10-15 пуннукь 5 минутIрай щаращи дурсса тIутIул щин. ХIачIлан аьркинссар бачIи ягу ца стакан гьантлун 3-ла за дукан ца ссят­рал хьхьичI 4-6 нюжмардий. Байбишияра гьантлун бачIи стакан хIачIлай яла гьарца кьини бачIи стакан ялун ххи буллай, ссуткалий 3-6 стакан хьунцIа. Гьантлун хIачIлан аьркин­ссар 3-ла за дукан 1-1,5 ссятрал хьхьичI.
Гьутрурдал чахотка (туберкулез легких) думиннан цуксса бюхълай бурив чIявусса тIутIи канан аьркинссар. БачIи хъуварду бюкьан бучIиссар, бачIи экьи бичин аьркинссар.

Косметикалул рецептру

КIиз кьатI хъанахъийни.
(Вангал рецепт).
200 гр. лухIитIутIул ххаллал шашан 500 мл. тIутIул водкалуву чIур дурксса кIункIурдуву, диргьуну махъ дарчIангу диртун шювшусса бакIрал бурчуйх ду­ккан аьркинссар.
ЦIуллуну битаннав.
Т. ХIажиева