Жагьилтал – къуллугъирттал бакIчиталну
Октябрьданул 24-нний Ккуллал райондалул муниципал сакиншиннарал канилусса циняв райондалийсса къуллугъирттай ца зузи кьинилул лахъишиврий зий бия райондалул вивсса жагьилтурая хIасул бувсса администрация. Шанма гьантлул хьхьичI райондалул бакIчи Сяид Сулаймановлул цачIарасса батIаврий баян бувуна жагьилтал зунсса кьинилия. Ва даврил мурад бия ялун нанисса жагьилсса ник райондалий хъанахъисса экономикалул ва социал давурттавух хIалану дикIаву. Укунсса кьинирду вания гихуннайгу тикрал дуллан тIий бур.

Учительтурал ЕГЭ дуллунни
Октябрьданул 26-нний Ккуллал райондалул школардай оьрус мазрал ва литературалул дарсру дихьлахьисса учительтурал дуллунни ЕГЭ. Экзамен дуллай бия Ккуллал шяравусса 2-мур школалий.
Экзамен дуллай ия 41 учитель. ЕГЭ дулай пунктрал бакIчи МахIаммадов Аьлил укун тIий ур: «Экзамен хъанахъиссар, учительтурал кIулшиву ххал даврищал, вайннал вузирдаву ларсъсса кIулшиврий гьашиву къадурну, гания махъгу цалла дарс дишаву хъиннура усттар хъананшиврул, цIусса тIалавшиннардачIан кIункIу буллансса сиптану», — тIий.
ХIажимурад ХIусайнов