Апрель зурул 26-нний ЧIяйннал школалий 9-11-мур классирттаву дуклаки оьрчIахь дирхьунни касмурду язи дугьаврин хас дурсса дарс.
Ва дарсирай гьуртту хъанай ия райондалул цIу лещан дувултрал идаралул хъунама Къудуев Зайнуллагь, школалул ОБЖ-лул учитель Рамазанов Аслан, школалул учительтал ва цаймигу пишакартал.
ОьрчIру ларххун бия цала язи дургьусса касмурдан хасъсса яннарду. Шиккура оьрчIал дуруна «Хъама диртсса касмурду», «Яла сийлийми касмурду», «Яла аьркин хъанахъими касмурду» тIисса пишакаршивурттал агьамшиврия бусласисса презентацияртту. Дарс хъинну ххуйну хIадур дурну дия.
«Укунсса дарсру вайми шяраваллал школарттайгу дихьларча, хъинну ххуйну хьунссия», — тIий ия Къудуев Зайнуллагь.
ХIажимурад ХIусайновлул
