«Зунттал билаят – ттул Ккуллал район» тIисса цIанилу ларгсса шинал ахирданий Ккуллал райондалул УО-лул къатраву хьунни райондалийсса школардал дуклаки оьрчIал ва вайннал педагогтурал ххисса кIулшиву дулай­сса ккураннавун занай, гикку лав­хьхьумур ккаккан сакин дурсса выставка.

Выставкалул мурадну хъанай бия райондалул школардайсса ххисса кIулшиву дулайсса ккураннал сий гьаз даву, гиккун заназисса оьрчIал творчествалул чулинмай­сса пагьму чантI учин баву. Дуклаки оьрчIащал цала дурмур выставкалий дирхьуну дия мукунна вайннал педагогтуралгу.
Выставкалул ахирданий жюрилул дурна укунсса жям:

Педагогтурал дянив
«Сурат дишавриву»: 1. С. Кьурбанов, Ккуллал 2-мур школа. 2. Р. Саймаев, СумбатIуллал школа;
«Ххалаххах ва кIунурдах щащавриву»: 1. А. Кьурбанова, Къяннал школа. 2. Ш. Маммаева, Ккуллал 1-мур школа. 3. Х. Шалласуева, Вихьуллал школа;
«ТIаннуйх кьалан битавриву»: 1. И. ХIасанов, Вихьуллал школа. Гайми кIанттурду щинчIав къабуллуна.
«Муххайх кьалан битавриву»: 1. Р. МахIаммадов, Ккуллал 2-мур школа. Гайми кIанттурду щинчIав къабуллуна.

Дуклаки оьрчIал дянив
«Сурат дишавриву»: 1,2-ми кIанттурду щинчIав къабуллуна. 3. Г. Магьдиева,С. Аьлиева, Ккуллал 2-мур школа;
«КIунурдах щащавриву»: 1.У. Каллаева, Ккуллал 2-мур школа. 2. Ю. Будаева, Къяннал школа;
«Ххалаххах щащавриву»: 1.У. Каллаева, Ккуллал 2-мур школа. 2. К. Юсупова, СумбатIуллал школа.
Ххув хьуминнан буллуна дип­ломру ва багьлул ххирасса бахшишру.