Дурусну ца шин хьунни Ккуллал Райондалул депутатътурал сессия къабатIлай. Ва иш укун хъанахъаврин агьаммур багьана бия, апатI нясив хьуну, дукIу январьданул ахирданий Ккуллал Райондалул собраниялул Председатель Гуйдалаев ХIамзат ахиратравун лагаву.
Гания махъ депутатътал, бувчIавурттаву хьусса дахханашивуртту хIисавравун ларсун, январьданул 19-нний бавтIун бия сакиншиннарал сессиялийн.
Сессиялий гьуртту хъанай ия Ккуллал райондалул бакIчи Сяид Сулайманов. Ванал барча бувуна цIуну бувчIусса депутатътал.
Га кьини кьюлтIну чIурду буллуну увчIуна Райондалул собраниялул Председательну СумбатIуллал шяраваллил чулухасса депутат Оьмаров Гъази. Ванал хъиривману ивтунни Хъювхъиял шяраваллил чулухасса депутат Сулайманов Артур, секретарьну – Гаргацева ПатIимат.
Га кьини сессиялий цIакь дуруна Ккуллал райондалул администрациялул, Райондалул собраниялул структурарду ва райондалул харж-хуржрал ялув бацIаврил комиссиягу.
