ДР-лул Шяраваллил хозяйствалул министерствалул прессалул къуллугърал бувсмунийн бувну, Дагъусттаннал шяраваллил захIматчитурал хIадур дурну дур 77 азарда тонна хъаласса лазундарал. Ми хъанахъиссар дукIу вара чIумал хIадур дурминнуяр кIилий ххишаласса.

ХIасан Аьдилов
Гъинтнил зурдардий, дяркъурду дагьаннин, республикалул хозяйствардан аьркинссар хIадур дан циняв журардал лазуни: ххулув, нахь, сенаж, силос. ХIакьинусса кьини Да­гъусттаннал фермертурал хIадур дурну дур ххалал 72 азаллий 200 тонна, сенажрал 4 азаллий 700 тонна ва силосрал 500 тонна.
Лазуни хIадур давриву хьхьи­чIунсса кIанттурдай дур Къизлардал райондалул хозяйстварду (21,5 азарда тонна), Хасавюртуллал райондалул хозяйстварду (21,3 азарда тонна) ва Бабаюртуллал райондалул хозяйстварду (11,5 азарда тонна).
ЦIана лазуни хIадур давриха зий дур цинярдагу 18 райондалул хозяйстварду.
ДукIу республикалий хIадур дурну диркIссар 1 млн. 413 азарда тонна хъала лазундарал.