![](http://ilchi.beget.tech/wp-content/uploads/2019/08/swawaw1313414.jpg)
Август зурул 20-нний Кьурбанисмяиллул арс Амин Аьбдуллаев увну хъанай дур 85 шин.
[dropcap]М[/dropcap]и цинярдагу шиннардил яла хъунмур ва язимур бутIагу Аминнул харж бувну бур шяраваллил хозяйствалул пишакарнал даврин. Шяраваллил хозяйствалул институт бувккуну мукьах зий ивкIун ур буттал шяраву ГьунчIукьатIув колхозрай – цал агрономну, яла председательнал хъиривчуну, яла председательну.
1976 шиная 1996-ку шинайн ияннин зий, захIмат буллай ивкIун ур «Дахадаевский» совхозрал хъунама агрономну.
2002-ку шиная шихунай Амин Аьбдуллаев зий уссар жул «Илчи» кказитрай отделданул редакторнугу, подпискалул сакиншиндарал каялувчинугу.
Махъ бакъа, цува зий ивкIсса гьарцагу къуллугърай ванал цIаницIун цIакь хьуну дур узданшиврул ва кьянкьа-кьурчIишиврул лишан, яхI-къирият ялттусса чувнал хасият, аькьлу-кIулшилул лишан.
Цала тIайланмасса пишалий бартбигьлай ивкIсса хьхьичIунсса ишру къахIисавну, Амин Аьбдуллаевлул кIунттила ттинин дунияллийн бувккун бур гьунар ххину чивчусса, сакин бувсса, цаннияр ца бусравсса ва ххазинасса луттирдугу. Миннувасса ца яла язиминугу хIисав бан багьлай бухьунссар цала буттал шяраваллил авадансса тарих-таварихран хас бувсса луттирду. Миннул кьадругу, кьиматгу, чIун наниссаксса, ялу-ялун гужлан хъанантIиссар, ххазинасса хъуслил ххуллий ххал бигьлантIиссар.
«Илчи» кказитрал коллективран тIурча, Аминнул бувтсса оьрмулул яла ххирамур ва ххазинамур бутIану чIалай бур 2002-ку шиная шиннай ванал жул дянив дирчусса шинну. Ми шинну жул редакциялулгу тарихри. Ванал оьрмулул биялсса бутIа жуйнма тIайла бацIавугу хъунмасса тIайлабацIулун ккалли буллалиссару.
Р. Башаев