![](https://ilchi.info/wp-content/uploads/2020/04/xdhtdrj.jpg)
[dropcap]Н[/dropcap]игьачIаву дусса инфекция ппив хьуну нанисса чIумал, вания мюхчан шаву мурадрайсса оьвчаву дунни ЦIуссалакрал райондалул жяматрайн райондалул
ОМВД-лул ПДН-лул хъунмур инспектор (балугъравун къабивминнал иширтталсса байсса), полициялул майор Марина Къаплановал.
Ванил тавакъю бунни нигьачIаву дусса группалувун багьлагьисса оьрмулул хъунисса инсантурахь зула зува бурувччуну бикIияра, къатлува кьатIув мабуккару куну.
Коронавирусрал инфекция сававну каникуллайн буккан багьсса студентътурайн ва дуклаки оьрчIайнгу инспекторнал оьвчаву дунни, хьхьувай кьатIув бувккун, «тусовкартту» мадулларду, жапасса цIуцIаврия мюхчан хьунсса маслихIатру къулагъас къадурну макьабитару, кьатIув къабувккун, ичIува зула нитти-буттан кумаг буллалияра куну. Хъунмасса тавакъю бунни ванил пикри бакъа кьатIух заназисса оьрчIал нитти-буттахьгу, оьрчIру шаппа бацIан бувара тIий.
— Ва захIматсса тагьарданува жущава, циняв бавкьуну сукку тIурча, бигьану буккан хьунтIиссар. ЩябикIияра шаппа, буруччияра зула зува, — тIий бур ва, мукунма тIий буру жувагу.
А. Аьбдуллаева