Лакрал райондалул администрациялий зий тамансса шинну агьалийнаха къайгъурдай, район хьхьичIуннай хьунмур буллай, аьркиннал чIарав ацIлай, райондалул хъунаманал урчIа кану гьарцагу дуллалисса давурттавух цалчин гьуртту шайсса, аькьлулул куртIсса, бусайсса мукъуй цIу-цIанпир бусса, дус-ихтивартурал дянив бусравсса, кулпатран ишин-итан кIану бакъа ххирасса, оьрчIан, оьрчIал оьрчIан аьзизсса хъунамямма Къюннуев Абакар МахIаммадлул арс барча уллай буру оьрмулул 60 шинал юбилейращал.
ЧIа тIий буру цIакьсса цIуллушиву, давриву тIайлабацIу, кулпатраву нахIу-хIалимшиву. Ина бувсний махъ бацIлай, бивзний ша бакьлай, тIиртIунийн ка диллай итаннав хъунасса Заннал.
Лакрал агьалийгу рязийну, буттал улчагу тIутIайх бичин буллай паракьатсса , буллугъсса оьрмулул уччин итаннав цинявппагу инава ххираминнал ва винма ххираминнал дянив.
Амин.
Дустал, гьалмахтал
ДакIнийхтуну барча буллай буру жунма цинявннан ххирасса, ЧIятусса ХIамидлул ва СахIивлул душру – Рамазанова Бадуржигьан ва Хизриева Халун юбилейрдащал.
КIивагу бур хъиншиврул бутIа ххишалану буллусса, дакIру чумартсса, узданшиву ларайсса, чув, ци даврий зурчагу, захIмат ххирасса, чIаравминнал хIурмат бусса, бюхъайсса хъиншиву дуван хьхьичIун буккайсса, чаннасса дакIурдил заллухъру. ХIакьсса зунттал хъаннин лайкьну бутлатисса оьрмулийну, зу хIалал бувссар жул цинявнналагу хIурмат.
Зу зула ссурвавращал хIакьинусса кьининин хъунмасса захIмат бувссар, ппугу ивкIуну, ниттицIун 8 оьрчIгу кьабивтун, ятинталну зий буттал къатлуву, яла ласкъатраву, зула-зула оьрчIругу хъунигу бувну, дуккингу бувну, цала-цала къатрайгу битаннин, цила багьайсса куццуй тарбиягу бувну, жул цинявннал дакI мяш хьунсса куццуй. Ци даврий зурчагу, зу ккаккан дунни, ччарча хъуниминнан, ччарча архIал зузиминнан, зулла марцIшиву, тIайлашиву, хIарачат, мукунма оьрчIру тарбия бавривугу. Вания тинмайгу лажин кIялану оьрму бутан Аллагьнал зухьхьун цIуллушиву дулуннав, зул ялату Аллагьнал цIими чан къабаннав, зул дакIнийсса мурадру бартлаганнав, оьрмулия щалихханнин битаннав, оьрчIая, оьрчIал оьрчIая тирхханну ккакканнав, Заннал лахъисса оьрмурду мусаллатI баннав зун!
Уттигу чIярусса шиннардий жу циняв ххари буллай битаннав зу, Бадуржигьан ва Халун,
Амин!
Бадуржигьаннул хъунама арснал гьашину хIаж бувссар, Сяид-ХIажинал душнин Залинангу вай гьантрай оьрмулул ца шин бартларгунни. Вагу жу циняв ххари буллай битаннав, цIуллушиву ва талихI булуннав.
Гъан-маччами, дустал,
гьалмахтал
Октябрьданул 18-нний жул ххирасса хъуна мяммал оьрмулул юбилей дур. Там хъанай дур 80 шин.
Цинявппа арсурваврал, душнил оьрчIал цIанияту барча уллай буру 80 шин шаврищал. ЧIа тIий буру вин буруккин бакъасса лахъисса оьрму.
Уттинин куна зирангну, бюхъу буну гьаннав вил оьрмулул шинну.
Циняв ина ххираминнал цIанияту
Аьбдулкьадир Дандамаев
