Ккурккуллал школалул директор, шаэр Даниял Магьдиев ур, шяраву ва райондалий акъассагу, республикалийгу чIявучин кIулсса, бусравсса инсан. 42 шин хьуну дур ванал Ккурккуллал дянивмур даражалул школалий дарс дихьлай, миннува 35 шинай школалул директорну Даниял МахIаммадаьлиевичлул хъунмасса захIмат бивхьуссар ва бихьлахьиссар оьрчIру Ватан ххирану тарбия бан, дяъвилия зана къавхьуминнал, цинявппагу дяъвилул участниктурал аьпа абад бан.
Вай гьантрай Даниял Магьдиевлул кIицI ларгунни увсса кьини.
Ва ххарисса кьини барча тIий, чIа тIий буру цIуллушиву, дуллалимуниву хьхьичIуннайшивуртту. Даниял МахIаммадаьлиевич, виву тачIав къалещаннав вила ххирасса даврихсса гъира ва дакIнивусса гьавас.
Ккурккуллал школалул
учительтал ва дуклаки оьрчIру
ДакIнийхтуну барча уллай буру 50 шинал юбилейращал ххирасса уссу Амиров Ансар Апаннинал арс. ЧIа тIий буру чIярусса, цIуллусса шинну, тирхханну.
Дуния аьрщарай
Гьарма инсаннал
Вил куннасса дакIгу,
Инсаншивугу,
Хъягу учинссия
Ухссавнил чулий
Инсан къауччайсса
Кьункьал ларс тIутIив.
Бакъассар, кIулли ттун,
Аьрщарай мурцIу
Ина ша бизайнийн
Баргъ къабитансса.
Щукру хъуна Заннайн
Бусса вил чIарав
Цинявннан бусравсса
Вил ххаллил Наргиз.
Цимигу барчаллагь
Вил щарнил ниттийн,
Алжаннул тайпасса
Вил щарнил буттайн.
Так тирхханну, талихI
«Къунттулусинттан»
Ялув дарусса ссав,
Гъили бувсса баргъ!!!
Циняв ина ххираминнал цIанияту ссу Назира,
ш. ЧIяйми
Вай гьантрайи бувну бур ГьунчIукьатIрал ххаллилсса лакку хъамитайпа Сулайманнул душ Мамаева Жавгьар.
Ниттил бувсса кьинилущал барча тIий, дакIнийхтуну чIа тIий буру цIуллушиву, талихI-тирхханну.
Ххарисса, чаннасса кьинирду чIяру даннав вил оьрмулуву. ТIайлабацIусса хьуннав гьарица ина бивзсса ша. Бартлаганнав цинявппагу хияллу. ОьрчIалгу, оьрчIал оьрчIалгу ххари буллай, оьрмулия щалихханнин битаннав.
Вил хIурмат бусса
гьан-маччами.
