Аьламрал заманалун 55 шин
1961 шинал апрельданул 12-нний Совет Союзрай Аьрщарал лагма гьанагьи бувссар дунияллий цалчинсса аьламрал жами – инсан щяивтсса спутник «Восток». Му спутник-жамилул пилот-космонавтгу ивкIссар СССР-данул гражданин, летчик, майор Юрий Алексеевич Гагарин.
Цалчинсса инсан космосравун левххун 55 шин бартлаглагисса кьини Гъумук Совет Союзрал Виричу, летчик-космонавт Муса Маннаровлул цIанийсса музейрал зузалтрал Гъумучиял школалул дуклаки оьрчIру бувцунни БурхIай къалалулчIаравсса ракеталучIан. Музейрал директор Бадиулжамал Мусиевал бувсунни аьламрал тарихрая, цалчинсса космонавтная, Совет Союзрал Виричу Муса Маннаровлуя. Жул корр.