Ниттил мазурдил кьинилун хас дурсса мероприятие хьунни Гъумучиял оьрчIал библиотекалуву. Муний гьуртту хьунни Гъумучиял лицейрал лавайми классирттал дуклаки оьрчIру ва учительтал.
Библиотекалул зузала ПатIимат ЛухIуевал кIицI лавгуна оьрчIаву ниттил мазрахсса ччаву куртI дансса давуртту библиотекалул ччя-ччяни дайшиву. Бунияла ниттил мазрах ччаву рутансса кьяйдалий пасихIну ва бюхханну лакку мазрай ихтилатру бувна Гъумучиял лицейрал учитель Аьбдулмажид Исмяиловлул ва Щардал школалул учитель АьбдулхIалим ХIалимовлул. Вайннал кIицI лавгуна ниттил маз буруччавриву агьамсса кIану бугьлагьишиву школарттай ниттил мазрал дарсру анжагъ багьандаран къадихьлайча, миннуй миллатрал аьдатирттая, тарихрая чIумуя-чIумуйн бусларча.
Дуклаки оьрчIал дурккуна лакку мазрайсса назмурду.
