Аьрасатнал Ттугълил кьини МахIачкъалалив «Аьрасат – ттул тарихри» тIисса музейраву хьунни шадлугърал даражалий паспортру буллалисса мажлис. Ва кьини оьр­мулуву агьаммурну ккалли­сса документ, паспорт, буллунни ЦIуссалакрал райондалий­сса Чапаево шяраваллил 2-мур школалул «Движение первых» тIисса суккушиннарал активистка Заира Аьлишихован.

Шиккува кIицI лаган, «Образование» тIисса миллатрал проектравун духлахисса «Патриотическое воспитание» тIисса федерал проектрал лагрулий дуллалисса давурттава ца яла хьхьичIунми дур патриот зумунусса мероприятиярду. Проектрал агьаммур мурадгу бур ялун нанисса ник Ватан ххирану, тарихрал, культуралул кьадру-кьимат буну тарбия шаву.