Майрал 1-нний Республикалул ОьрчIал спортшколалий хьунни СВО-лий гьуртту хьуминан ва жанну дуллуминнан хас дурсса футболданул турнир.
Муний гьуртту хьунни 16 команда: Верховный суд, Росгвардия, ФСО, В/Ч-3454, Каспийскаллал флотилия, УФСИН, Минобрнауки, Силистталул комитет, судирттал приставтал, ФСБ, «Динамолул» ветерантал, МВД, таможня, прокуратура ва УФНС.

Турнир тIитIаврий махъру лавхъунни ДР-лул ХIукуматрал председательнал хъиривчу Рамазан ЖахIпаровлул, ДР-лул виваллил иширттал министр Аьвдурашид МахIаммадовлул, Каспийскаллал флотилиялул хъунаманал физподготовкалул иширтталсса байма кумагчи Сергей Чабаннул, СВО-лул гьурттучи, полициялул майор Жабраил Кьурбановлул.
Турнирданий ххув хьунни «Динамолул» ветерантурал команда.
Командарттан буллунни кубокру, медаллу ва грамотартту. Мукунма ккаккан бунни турнирданул хьхьичIунми тIуркIучитал, миннангу дуллунни хасъсса бахшишру.