Ххаллилсса лаккучу, дагъусттанчу, экономикалул элмурдал кандидат, Аьф-лул шяраваллил хозяйствалул лайкь хьусса зузала МахIаммадов Айгун Халидлул арс Дагъусттаннай чIявучин кIулссар. ЛичIи-личIисса жаваблувсса къуллугъирттай зий иялну машгьур хьуссар.
1983-1986-ку шиннардий ва жучIа, ЦIуссалакрал райком партиялул цалчинма секретарьну, зий ивкIссар. Ванал хIарачатрайну Дагъусттаннай хьхьичIва-хьхьичI жул райондалийн бувцуссия газ.
Айгун Халидовичлул лайкьшивурттугу, бюхъу-бажар ва опытгу хIисавравун лавсун, ва шамилчингу увчIунни Аьрасатнал Жяматийсса палаталул Дагъусттаннал чулухасса вакилну. Уттигъанну ванан дуллунни «За заслуги перед Республикой Дагестан» орден.
Ттула хъинсса дус дакIнийхтуну барчагу уллай, чIа тIий ура цIуллушиву. ДакIниймур бартлаганнав.
Барча аврицIун бахIлай ура назмурдайну нава чивчусса вай ххаругу.
