ХIукму:
1. Дагъусттаннай ялапар хъанахъисса, мобилизациялул предписанияртту дусса ягу цивппа бусса районнай аьра­лий комиссариатирттая повесткартту дуркIсса цинявппагу хIаписартуран, прапорщиктуран, мичмантуран, сержантътуран, старшинахъан, саллатIнан, запасрайсса матростуран бучIан аьркинссар повесткарттай кка­ккан дурсса чIумуй ккаккан бувсса пунктирдайн. Балики, повесткартту къадучIарча, бучIан аьркинссар предписаниялий кка­ккан дурсса чIумуй, микку кка­ккан бувсса пунктрайн.

Запасрайсса, чIумуйсса Да­гъусттаннай ялапар хъана­хъи­миннан, цивппа мудан ялапар хъанахъисса кIанттурдайн бувкIун, предписаниярттай кка­ккан бувсса пунктрайн бу­чIан, мукун къахъанай бухьурча, аьралий сияхIрай авцIусса кIанттурдайсса аьралий коми­ссариатрайн учIан.

2. Мобилизациялул предписанияртту дакъасса, аьралий комиссариатирттая повесткартту къадуркIсса хIаписартуран, прапорщиктуран, мичмантуран, сержантътуран, старшинахъан, саллатIнан ва запасрайсса матростуран чIумуйсса цивппа бусса районная, шагьрурдая чунчIав гьан къабучIиссар.
3. КIицI лавгсса хIукмулул 1-мур параграфрайн бувну бучIан багьлагьисса хIаписартуран, прапорщиктуран, мичмантуран, сержантътуран, старшинахъан, саллатIнан ва запасрайсса матростуран мобилизациялул предписаниярттай ва повесткарттай ккаккан бувсса документру ва цала кьай ларсун бучIан аьркинссар.

4. Цукунсса бухьурчагу, идарарттал хъуниминнан хIукмулул цалчинмур параграфрайн бувну буцлацисса инсантал, ссахчIав къабурувгун, тархъан бан аьркинссар даврия ва къуллугърая, булун аьркинссар миннан багьайсса хIакь, харж, ми мобилизациялул предписаниярттай ва повесткарттай кка­ккан дур­сса чIумуй ккаккан бувсса пунктирдайн бучIаву дузал дан аьркинссар.
5. Идарарттал каялувчитуран, ци журалийсса идара бухьурчагу, транспортрал заллухъруннан саргъунну зузисса автомобиллу, ххуллул ва строительствалул давуртту дайсса ва цаймигу журалул машинартту ва механизмарду диян дан аьркинссар районнал комиссариатирттал нарядирттайн бувну ккаккан дурсса чIумуй ккаккан бувсса пунктрайн.

6. Мобилизациялийн бувну ккаккан дурсса чIумуй ккаккан бувсса пунктирдайн къабувкIсса инсантал, ци журалул бухьурчагу, идарарттал каялувчитал, аьра­лий комиссариатирттал нарядирттайн бувну, ккаккан дур­сса чIумуй машинартту бувцуну къабувкIсса заллухъру, мукунма оьвкусса инсантал пунктрайн къабучIан ва мобилизациялийн бувну транспорт дурцуну къабучIан дахшишру дур­сса инсантал АьФ-лул законодательствалийн бувну жавабрайн буцайссар.

7.КIицI лавгсса хIукму баян бан ва ванил хIакъиравусса бувчIинбавуртту дан аьркин­ссар ци журалул духьурчагу, циняв организациярттай.